aespa-in 100 million view MV pariat an nei ta

Korean girl group, 'aespa' music video, 'Supernova' chuan YouTube-ah view maktaduai 100 a nei tling ve leh ta a, 100 million view nei thei music video pariat an neih tlinna a ni ta.

'Supernova' hma hian aespa hian “Black Mamba,” “Next Level,” “Savage,” “Girls,” “Dreams Come True,” “Spicy,” leh “Drama” chu 100 m view an lo neihpui tawh a ni. 'Supernova' hi May 13, 2024-a an tih chhuah kha niin, thla hnih leh ni sarih hnuah 100 m view a nei tling der a ni. Korean Businesss Research Institute-in girl group member bika July brand reputation ranking a tih chhuahah aespa member Karina chu No 1 a ni bawk a, positive reaction 89.49% a hmu pha a ni.