'Kalki 2898 AD'-in legal notice dawng

Bollywood film hit, 'Kalki 2898 AD' siamtute leh changtute chuan Congress hruaitu hlui leh Kalki Dham Peethadheeshwar, Acharya Pramod Krishnam hnen aṭangin sakhaw ṭhenkhat zuitute rilru tinaa puh chungchangah legal notice an dawng.

Krishnam chuan he film siamtute hian 'Gods' an lantir dan chu Hindu lehkhabu thianghlima sawi dan ang lo a ni, a ti. Legal notice-ah hian, 'In movie-ah hian Lord Kalki nihna chu Hindu Puranic Scriptures-a ziah ang ni loin in lantir a ni. Mi tam takin an rin dan leh an lo vawn tawh ang ni loa an lantir chu lehkhabu thianghlim zah lohna a ni' tiin a tarlang. Hetianga an tih avang hian Hindu sakhaw zuitute ngei pawh a ti chiai a, Lord Kalki nihna chu an ti hmelhem niin an puh. Legal notice hi film siamtute bakah a changtu, Prabhas, Amitabh Bachchan leh midangte pawhin an dawng a ni.