Drama and actor ranking-ah 'My Sweet Mobster' a sang ber
Good Data Corporation-in South Korea-a TV drama chhuak mek zinga weekly ranking a siam ṭhinah, ranking thar berah JTBC drama 'My Sweet Mobster' chuan drama leh actor ranking-ah a chung ber dinhmun a hauh.
'My Sweet Mobster' hian tih chhuah a nih aṭangin ranking-ah hian a zawnin kar li chu No 1 a ni tawh a, a changtupa Um Tae Goo pawh drama cast member ranking-ah No 1 ni bawkin, a changtunu Han Sun Hwa chu No 3-ah a lang bawk a ni. JTBC drama tho, 'Miss Night and Day' chu drama ranking-ah hian No 2-ah a lang a, SBS series thar, 'Good Partner' chu No 3-ah a rawn lang thar a, tvN 'The Auditors' chu No 4 ah a la awm chhunzawm. Top 10-ah hian tvN 'The Player 2: Master of Swindlers', KBS2 'Beauty and Mr. Romantic', tvN 'Serendipity’s Embrace', KBS1 'Su Ji and U Ri', KBS2 'Snow White’s Revenge' leh MBC 'The Brave Yong Su Jeong' te an lang bawk.