Paris Olympics-a Lady Gaga a perform an ring

Lady Gaga chu Thawhṭanni khan France khawpui, Paris-ah hmuh a ni a, hei vang hian fan-te chuan Zirtawpnia ṭan tur, 2024 Paris Olympics opening ceremony-ah a perform dawn niin an ring a, an phur nghal hle.

Fan-te lam an phurin inrinsiak nasa hle mah se, Lady Gaga leh official lam erawh chuan thuchhuah engmah an la siam lo thung. Lady Gaga hian May thla aṭang khan music thar a nei thuai dawn tiin a fan-te chu a hrilh thawi tawh bawk nen, fan lam hian Olympics hi a music thar pho chhuahna tur remchang niin a ngai nghal a ni. Super Bowl Haftime show-a performance ropui tak a lo lantir tawh angin, Paris Olympics-ah hian a inlan a nih chuan a tana thil ropui tak a nih bakah, he event tan pawh chhinchhiah tlak tak a nih phah ve ngei ang.