Metallica-in 'Helping Hands Concert & Auction' nei leh dawn

Metallica leh an All Within My Hands foundation chuan kumin December 13 hian "Helping Hands Concert & Auction" an nei leh dawn tih an puang.

"Helping Hands Concert & Auction" hi vawi li an neihna tur niin, Los Angeles-a YouTube Theater-ah neih ani ang. Jimmy Kimmel bawkin a host leh dawn a ni. Kum 2022 December thlaa 'Helping Hands' show an buatsaihah khan USD mtd 3 zet an hmu a, an sum hmuhte hi a vaiin All Within My Hands foundation hnenah an hlan a ni. Foundation hian mi harsa zawkten lehkha an zir theih nan a puih bakah, ei tur neilote a ṭanpui a, chhiatna thleng tuarte chhawmdawl hna an thawk bawk thin. Kumina "Helping Hands Concert & Auction" neih tur chu kum dang ang bawka music lam tana hriatreng tlaka buatsaih an tum leh tih sawiin, lineup pawh an puang thuai dawn tih an sawi.