Skyscrapper sakna man a namen lo

In chhawng sang sak hnem hi ram ropuina lantirtu emaw ni tehreng, an inel hle a, ram hausa deuha inngai leh, ṭhang nasaa inngai chuan an sa ut ut mai. Skyscrapper te hi a sak senso hi a neu lo viau hlawm. Skyscrapper zinga sakna senso sang ber chu One World Trade Center, New York a ni.

World Trade Center, twin tower firfiakten an tihchhiat hnu khan One World Trade Center hi an sa leh a, kum 2014 khan an sa zo. A hmaa Twin Towers chen chiaha sanga sak leh a ni a, chu chu ft. 1,776.02 a ni. Dollar tluklehdingawn 3.9 sengin an sa zo a, a chhungah hian kailawn, 9/11-a firfiaktena an tihchhiat hriatreng nana serh hran bik a awm.

Las Vegas-a The Palazzo hi senso tam lamah chuan pahnihna a ni a, san lamah erawh chuan a aia sang a tam mai. Ft. 642.01-a sang a ni a, a senso hi $tld1.9 zet a ni. Hotel a ni a, he hotal chhungah hian casino te, shopping centre te, theatre te pawh a awm.

London-a The Shard hi pahnihna tho a ni. A sang khawpa ft 1,003.94 zeta sang a ni a, $tld1.9 zet an seng. London-a building sang ber a ni a, an sak lai aṭangin energy renchem an thupui a, hetiang tiat building dang aiin 30% zetin energy a hmang tlem zawk.

Taiwan khawpui, Taipei-a mi, Taipei 101 sak nan hian $tld1.76 an hmang a, ft. 1,670.60 zeta sang a ni. Kum 2004-a an sak zawh tawh kha a ni a, he building hi number pariat (8) chunga nghah a ni. An ngaihdanah chuan number 8 hi vanneihna number a ni.

Khawvela building lar, UAE-a Dubai-a Burf Khalifa sak nan $tld1.5 hman a ni a, ft. 2,719.82 zeta sang a ni; kum 2010-a sak zawh kha a ni. He building hi khawvela building sang ber a ni. China-a Huzhou hmuna mi nen hian a senso a intluk. Hunzhou-a Sheraton Huzhou Hot Spring Resort pawh hi $tld1.5 seng thoa sak a ni a, ft. 330 chauh a ni thung. Kum 2013-a an luah ṭan kha a ni.

Singapore-a CapitaGreen pawh hi a senso a tam khawp mai, $tld1.4 zet senga sak a ni a, kum 2014 aṭang khan luah ṭan a ni. Ft. 793.96 laia sang a ni a, a building hmai (bang) hi hnim (plant)-a khuhtir a ni a, a building chungah hian 'sky forest' siam a ni. He ramngaw siamchawp hmang hian he building chhung boruak hi vawn daih a ni.