Shakira ten fapa an nei ta

Barcelona fan pakhatin an pun belh a, Shakira-te chhungkua pakhatin an pun belh. Shakira leh Gerard Pique te chuan January 29 khan fapa an nei a, an fapa hmingah hian Sasha Pique Mebarak an sa.

Colombian zaithiam kum 37 mi leh Spanish footballer Pique, kum 27 mite hian a hmain fapa an lo nei tawh a, mipain an chhungkua an pun belh leh a ni. Sasha tih hi Greek leh Russian ṭawng aṭanga lo kal a ni a, a awmzia chu Mihring Venghimtu emaw, Ralhrât Mi (warrior) tihna a ni.

Shakira leh Pique te hi kum 2010 FIFA World Cup theme song, Waka Waka buaipui lai aṭanga inngaizawng ṭan an ni. An fapa hmasa ber, Milan chu January 2013 khan a piang.