Coke leh Budweiser an hlawhtling
Super Bowl chhunga advertisement hrang hrang titute zingah Budweiser leh Coca Cola an hlawhtling ber a nih hmel a, sawisel a awm lo ber. Thil dang fakna erawh chuan sawisel a hlawh hlawm hle. Budweiser hian ui note hmangin an kutchhuak an fak a, Coca Cola hian mi cheksawlh a ṭhat lohzia an tarlang.
Super Bowl hi entu maktaduai 100 chuang an awm a, US-a TV show-a entu tam ber ṭhin a ni. Hemi chhunga advertisement tihchhuah man pawh hi a to khawp mai, second 30 chhungin $mtd4.5 zet te a ni. Fakna 70 chuang lai tarlan a ni.
Game ṭan hma hauh aṭangin Budweiser fakna hi mi maktaduai 42 zetin an en a, he faknaah hian sakawrin ui note bo a ina a hruai haw leh tihlan a ni. Coke hian digital-a inhuatna thu chhakchhuah vak vak a ṭhat lohzia zirtirna an tichhuak bawk.