Jay-Z-an music streaming lei a tum

A hausak tawh tehreng nen, sum lakluh belhna tur dang a ngaihtuah zel a, Jay-Z hian a tihfuh chuan sum tam lehzual a lalut ngei ang. Tunah hian music streaming lama a sumdawnna zauh a tum.

Swedish company pakhat Aspiro-in music quality ṭha tak mai stream-na tur application an siam chu lei tumin Jay-Z hi a che chhuak a, Sean Carter Enterprise hnuaia Project Panther Bidco Ltd kaltlangina dawr mek. A dawrna zat hi $mtd56 a ni.

Jay-Z hi a thleng thui hle tawh a, tunah hian Aspiro board chuan preliminary approval an pe tawh a ni. Music streaming hi a lar chak a, a ṭhang chak hle. Hei hian music industry-a thil tam tak a nghawng a, zaithiamteah pawh nghawng a nei lian. Hei hi Jay-Z chuan a hria a, music streaming lama a puan in zauh hia tum a ni.

Aspiro-in app an hman hi WiMP a ni a, hei hi Europe bik a ni a, US leh UK-ah chuan Tidal a ni thung. WiMP-ah ringawt hian subscriber 512,000 zet an awm.