Guwahati-ah MZU zirlaite an che ṭha
Mizoram University zirlaite chuan January 30 - February 1 chhunga IIT, Guwahati-a neih Alcheringa 2015-ah Haute Couture (Fashion show competition) bikah pakhatna lawmman an la.
Alcheringa hi IIT Guwahati-in kumtina festival a buatsaih ṭhin a ni a, India ram hmun hrang hranga zirlaite an fuankhawm ṭhin.
Mizoram University zirlaite hian kum hmasa lam khan Haute Couture-ah hian pahnihna leh pathumna lawmmante an lo la tawh a, kuminah a vawi khatna atan a pakhatna lawmman an la a ni. Mizoram University Social Work department-a 2nd Semester zirlai Rody H. Vanlalhriatpuii chu 'best female model' atan thlan a ni bawk.