Billboard 200: Eminem-a'n No 1 ni thei album 11 a nei ta

Billboard 200 album chart tharah American rapper, Eminem chuan Taylor Swift record siam lai rawn pawtchatin, a album thar, 'Death Of Slim Shady (Coup De Grace)' chu No 1 a rawn nihpui ta.

Kum 51 mi, hip-hop artist hian a studio album 12-na hi July 12 khan a tlangzarh a, July 18 karah US-ah equivalent album unit 281,000 a nei a ni. Album chart-a No 1 ni thei album 11 a neihna a ni. He album-a hla 19-te chuan on-demand official stream mtd 220.08 neiin, album sales 114,000 a awm a, physical album a awm loh avangin heng hi digital download vek a ni.

Album chart-a No 1 ni thei album ngah ber chu Beatles niin 19 an nei a, Taylor Swift leh Jay-Z ten 14 ve ve leh Drake-a'n 13 an nei. No 1-a album 11 lanpui thei hi Bruce Springsteen, Barbra Streisand leh Ye te an lo awm tawh bawk.

Eminem hi Saudi Arabia-a biggest and loudest music festival tia sawi, MDLBEAST Soundstorm festival 2024-ah a ṭum khatna atan a headline dawn a, festival hi December 12-14 hian Rock Banban, Riyadh-ah neih a ni ang.

ENHYPEN album, 'Romance : Untold' chuan equivalent album unit 124,000 neiin No 2-ah a awm a, Zach Bryan 'The Great American Bar Scene' chu No 2 aṭangin No 3 ah a tla thla ve thung. Kar 12 chhung a zawna No 1 dinhmun lo hauh thei, Taylor Swift 'The Tortured Poets Department' chuan equivalent album unit 82,000 neiin No 4-ah a tla thla ta bawk.