Ni 5 chhungin 'ATE' copy mtd 2 chuang hralh

Stray Kids mini album thar, 'ATE' chu tlangzarh a nih aṭanga ni nga chhungin copy maktaduai 2 chuang an hralh der.

Hanteo Chart chuan July 19-a tlangzarh, 'ATE' hi ni nga chhungin copy 2,025,803 hralh a ni tawh tih nimin khan a puang. 'ATE' hi Stray Kids-in tlangzarh aṭanga kar khat chhunga copy mtd 2 chuang hralh chhuah theih album pali an neihna a ni. 'ATE' hi kumina Spotify Global chart-a K-pop album debut lian ber a ni bawk a, tlangzarh aṭanga darkar 24 chhungin stream mtd 12.58 an nei thei a ni. Hei bakah title track 'Chk Chk Boom' chuan stream mtd 3.1 a nei bawk. 'Chk Chk Boom'-ah hian Hollywood superstar Ryan Reynolds leh Hugh Jackman te an inlan a ni.