Olympic meichher keng tur Snoop Dogg

American rapper, Snoop Dogg chu Olympic meichher kengtuah a tel dawn a, naktuka Paris 2024 Olympics ṭannia final stage-ah meichher hi Paris hmarlama Saint-Denis kawtthlerah a tlanpui dawn a ni. Olympic torch relay hi Saint-Denis aṭang hian Eiffel Tower-ah a tawp ang.

Kum 52 mi, a hming tak Calvin Boradus Jr hi France khawpuiah hian a awm tawh a, US TV network NBC special correspondent-in a awm a ni. Paris Olympics opening ceremony hi Zirtawpni zan hian River Seine-ah neih a ni ang. Games neih tawha Olympic torch kengtu zingah hian hip-hop musician te pawh an tel ve tawh. 2004 Athens Olympics-ah khan Sean 'Diddy' Combs, London 2012-ah British rapper Dizzee Rascal leh Black Eyed Peas singer will.i.am te pawhin an lo keng ve tawh a ni.