DJ-i sawi chhuah phal loh chu!

Hmangaihna lamah harsatna a tawk em ni?

A hla thar hi Mizo zinga hla phuahthiam nupa, John Mawitea leh Mapuii Fanai te phuah a ni a, a hla hming hi 'Ka Tling Lo' tih a ni. John Mawitea leh Mapuii Fanai te hian an hla phuah hrang hrangte lakhawmin album-a tihchhuah leh an tum mek a, chuta mi tur chu a nih hmel.
DJ-i hlate hi ngaithla vang vang la, a thu ngaihtuah chiang teh, inṭhenna lam thu a tam riau mai a, tuna a hla thar tur pawh hi hetiang lam bawk a ni. Nula leh tlangval an inngaizawng a, tlangval hian a rinawm lohsan a, nula hian tlangval hi a hnena a kir leh a nih chuan a duh tho thu tarlanna lam a ni. A hmain Liam Mai Rawh a ti a, Liam Mai Rawh hla nen kha chuan a inang dawn lo hle.
Inṭhenna lam thu a sak fo avang hian amah, DJ-i-ah hian eng emaw chu a awm a ni mai lo maw?! DJ-i chuan, "Hetiang lama harsatna ka nei lo a, hetiang tak hi chu ka la tawng ve lo. Hla a ni a, ka sa a, ka hla sak ngaithlatute thinlung a khawih theih nana thiam ang tawpa uluk taka sak hi ka tih tur a ni a, chutiang chuan ka sa a ni. Keima lamah chuan inṭhenna emaw, liam mai tura duh emaw a awm chuang lo," a ti.
DJ-i rawn larna hla pakhat chu 'Inṭhen long' tih a ni a, kha hla kha inhmangaihna, dam chhunga inhmangaih duhna hla a ni. Hemi hnu hian, chart-a lang chin a hlaah chuan 'Ka chan hi' tih a ni a, nupa inṭhenna hla runthlak tak a ni. Liam Mai Rawh tiin a rawn au leh a, a liamtir te te a, Khua Tuah Lo Di tiin a rawn chhilh lehnghal a, tunah 'Ka Tling Lo' rawn tih leh a tum. Lo ngaichang phawt ang.

Dafodils Ṭhazual chart-a pakhatna a la hauh mek laiin DJ-i chuan hla dang a buaipui leh mek a, a tihchhuah hun a hla tawh lo mai thei. Hla thar a buaipui mek a, tunah hian an edit mek tih hi sawi chhuah a la phal chiah lo nain kan sawi chhuak dawn ta tho a nih hmel
DJ Lalvenhimi hian hla thar a buaipui mek a, tun aṭanga rei vak loah hi chuan a hla thar hi kan hmu thuai tawh ang. Hla thar a buaipui a, an edit an la peih lo ang reng deuh bawk si a, DJ-i hian sawi a la duh rih lo nachungin kan sawi chhuahsak dawn ta tho a ni.