eSports

Fantasy esports website Vulcun chuan kumin hian nasa takin maiin fantasy game-a player-te lawmman tur nasa takin a tipung a, kumin hian $mtd1 a phal. Hei hian a nghawng tur chu player an phur phah ang a, player an pun belh ang a, competition a lian ang a, an website hmangtu an ṭhahnem dawn bawk.

An elpui deuh nia lang, FanDuel erawh an la pha lo hle. Fantasy sports hrang hrang khelhna site lar berte zinga mi FanDuel chuan nikum chhung ringawt khan lawmmanah $mtd400 vel zet a sem chhuak. Hetihlai hian Vulcun hian nikum khan $250,000 chauh a hmang thung.

Vulcun hian hma an sawn hle a, kar tin he website kaltlanga fantasy game khel an pung tial tial a, founder Ali Moiz chuan kartin 30% velin an pung niin a sawi. An kalphungah League Championship Series bawr vela kal an ni ber a, he series hi Riot Games-in a host a ni a, League of Legends khelhna a ni. Vulcun-a competitor-te chuan hlawh siam zat chhunga player ṭhate an thlang a, kartin heng player-te hlutna hi chhut a ni a, chu chu an performance aṭanga en a ni ber.

Hapta hnih chhungin League Championship season-ah hian, Vulcun hian $36,000 lai an pe chhuak tawh a, tunkar hian $22,000 an pe chhuak leh dawn.

Mizote zingah gamer kan ṭhahnem ve ta tial tial a, kan game khelh phung pawh kan thlak a ṭha. Amateur leh mahni intihhlimna ngawr ngawr emaw lam ringawt niloin, professional gaming lam hi kan ngaihven a hun ve tawh. Mizo zingah thleng sang tak tak kan awm ve ta pheuh pheuh a, kan thiamna leh theihnain a tlin, ṭan lak deuh erawh a ngai.