National Games-a zaiin pawisa pekkir a hreh lo

Thawhṭanni zan khan National Games ṭan a ni a, hetah hian Malayalam zaithiam, Mohan Lal chu a band Lalisom nen an zai a, a hnuah an sawisel nasat avangin Mohan Lal chuan heta a zaia pawisa a hlawh chu pek kir leh a inhuam tih a sawi.

Mohan Lal hi actor a ni bawk a, chawimawina tam tak a lo dawng tawh a, ram pum huap chawimawina chi hrang hrang hlan a lo ni tawh bawk a, chung zingah chuan Padma Shri pawh a tel. National Games hawnna inkhawmah hian a zai a, cheng vbch 1.63 zet a hlawh.

National Games-a a zai zawh hnu hian social media-ah nasa takin an sawisel zui a, Mohan Lal chuan chhang letin, "Insawiselna hi a tawp phah dawn a nih phawt chuan pawisa ka hlawh, cheng vbch 1 leh nuai sawm ruk pathum leh sing sarih hi ka pe let leh ang," a ti.

Mohan Lal chuan National Games-a zai tur hian a hming ṭhatna leh thiltihtheihna a hmang lo a, Kerala CM Oomen Chandy chuan amah a rawn pan a, zai tur hian a rawn sawm zawk niin a sawi bawk.