Isua hi engtin nge an ngaih ang?

Tunlai khawvelah Isua hi rawn kal lehin, kan zingah rawng rawn bawl leh ta se, a hring a hrânin, engtin nge kan ngaih ang? Celeb-ah kan ngai ang!

Tuna celeb kan tih tam tak pawh hian Isua leh sex symbol tia an sawi ṭhin Marilyn Monroe-te ang khat deuh lekin an dah tawh a ni ber mai! Politician, Barack Obama pawh celeb chhuahin an chhuah lo chauh tawh a ni ber mai.

Kim Kardashian hian a thlalak hrang hrang lakhawmin lehkhabuin a siam a, a hmingah 'Selfie' a vuah. Khawvelin he lehkhabu hi a ngaihven a, lei a duh a, an nghak ṭuai tawh a ni. He lehkhabu chungchanga zawhna an zawhah, Kim Kradashian chuan Isua thla lakpui a châk tih a sawi chhuak.

T-Mobile-in an kawmnaah, "Tu emaw, damlai emaw, thi tawh zingah pawh, selfie-pui atana i duh ber tunge?" tiin an zawt a, Kim K chuan, "Ka pa, emaw Isua emaw, Marilyn Monroe emaw a niang....ka hre lo," a ti. Isua leh Marilyn Monroe te chu thil pakhat deuh hlekah a ngai a ni.

Kim K hi Armenian mi a ni a, Armenian-te hi khawvela hnam puma Kristian hmasa ber an ni a, kohhran lamah chuan Armenian Orthodox an ni a, Pathianniah an inkhawm ve fo ṭhin.