New York tlawhtu mi maktaduai 56.4 chuang

Khawvela khawpui ropui, New York chu nikum chhung khan tlawhtu an tam mai pawh a ni lo, New York chanchina tlawhtu an tam ber kum a ni. Heti taka tlawhtu an tamna chhan nia lang chu nun quality, pawikhawihna leh tharum thawhna tlem vangte nia ngaih a ni.

Kum 2014 chhung ringawt khan New York hian mikhual maktaduai 56.4 zet a nei a, hetiang zat mikhual a neih aṭanga sum a hailuh zawng zawng ringawt hi $tld61.3 zet a tling a ni. Tourism industry-in a hlawkpui a, local tax aṭangin $tld3.7 zet a hmu a, tourism kaih­hnawiha hna 359,000 zet a awm phah a ni.

Kum 2013 chhung khan New York tlawhtu hi mi maktaduai 54.3 an ni. Kum 2014 chhunga tlawhtu bikah, tlawhtu zaa 20, chu chu mi maktaduai 12.2 zet chu ram dang aṭanga tlawhtu an ni a, a bikin United Kingdom, Canada, France, Brazil, China, Australia leh Germany aṭangtein mikhual an ṭhahnem.