Android a hlawhtling ber zel

Smartphone chi hrang hrang zingah, operating system-a android hmangho a hlawhtling ber zel a, nikum chhunga smartphone an hralh chhuah zinga a tam ber chuan android an hmang.

Kum 2014 chhung khan android hmang smartphone hi unit tluklehdingawn 1 zet an hralh chhuak a, Apple kutchhuakhoin an hman, iOS chuan a dawt a, maktaduai 192 thawn chhuakin, Microsoft hmang smartphone hi maktaduai 38.8 hralh chhuah a ni.

Nikum chhung khan khawvel pumah smartphone tluklehdingawn 1.3 vel hralh chhuah ang a ni a, nikum hmasa, kum 2013 aia a punna hi 30% zet a ni. Kum 2013 khan tluklehdingawn 1 vel hralh chhuah a ni.

Android phone hi nikum khan maktaduai 780 vel hralh chhuah a ni a, kuminah nasa takin a pung. Hetiang taka a punna chhan chu khawvela mihring tamna ram pahnih - India leh Indonesia-a an hralh ṭhat vang a ni. Indonesia hi mihring tama palina a ni. Apple iOS hi hmangtu an pung thur thur lem lo nain, ram changkang leh ram hausaah Apple iOS hmang an hralh nasa hle.