Spotify-in Grammy-ah a rin dan a tichhuak

Grammy Awards sem a hnai a, Hollywood leh entertainment huang chhungah chuan titi ber a ni tawh. Tunhnai aṭanga video streaming site ṭhang chak tak Spotify chuan Grammy-a award dawng tur nia a ngaihte a tarlang a, ngaihven a hlawh viau.

Spotify hian Grammy-ah hian Pharrell Williams leh Sia te a dah sang hle. Spotify bik hian khawvel pumah hmangtu maktaduai 60 lai a nei tawh a ni.

Pathiannia sem tur Grammy-a a dawng tur nia rin Spotify-in a tihchhuah hi video miin an stream dan aṭangin an lo tehchhin a ni. An huang chhung bikah hian Sia hla Chandelier hi an stream nasat pawl a nih avangin an dah sang a ni.

Spotify-in a rin dan chuan Sia Chandelier hian record of the Year a dawn a ring a, Album of the Year-ah Pharrell Williams-a album GIRL chu a dah chhin a, Song of the Year-ah Hozier-a hla Take Me To Church leh, Best New Artist-ah Bastille te a dah.