Taylor Swift-i bawk a ni!

Billboard album chart-ah album thar ṭha tak tak chhuak mah se, Taylor Swift lehthal a, a dinhmun aṭanga phet thla thei an awm tak tak lo. A album 1989 chu tunkar chhung pawh khan US-ah chuan album hralh chhuah hnem ber a ni leh.

Taylor Swift album thar ber hi copy 101,000 lai hralh leh a ni a, an la hralh hnem thei hle a, mahse an hralh zat erawh a tlem ve sawt ta viau. Heti hian 1989 album hi Billboard album chart-ah ṭum 10 zet pakhatna a hauh ta. Hmeichhe zaithiam zinga album puitling, Billboard album chart-a pakhatna ṭum 10 hauh thei pahnihna a ni.

Swift hian kum 2008 khan a album Fearless hmang khan hapta 11 chhung chu pakhatna a hauh. Hmeichhe zinga album pahnih hmanga ṭum sawm pakhatna hauh thei dang chu Whitney Houston kha a ni a ni. A hmingchawia album a tihchhuah, Whitney Houston kha Billboard chart-ah hian pakhatna ṭum 14 (hapta 14) a hauh a, a album dang 'Whitney' kha ṭum 11 pakhatnaah a awm bawk.

Billboard album chart-a album pakhat aia tam hmanga pakhatna ṭum 10 hauh thei hi panga chauh an la awm bawk a, chungte chu The Beatles, The Kingston Trio, Henry Mancini, The Monkees leh Elvis Presley te an ni. The Beatles hian pakhatna ṭum 10 chuang hauh thei album pali ngawt an nei. Billboard album chart-ah hian pahnihnaah Ed Sheeran a awm a, pathumnaah Meghan Trainor album a awm bawk.

Billboard 200

"1989" - Taylor Swift (101,000)

"X" - Ed Sheeran (74,000)

"Title" - Meghan Trainor (68,000)

"In the Lonely Hour" - Sam Smith (60,000)

"Non-Fiction" - Ne-Yo (59,000)

"American Beauty/American Psycho" - Fall Out Boy (55,000)

"Uptown Special" - Mark Ronson (49,000)

"The Pinkprint" - Nicki Minaj (48,000)

"V" - Maroon 5 (43,000)

The "2015 Grammy Nominees" Album - Various Artists (34,000)