Korea-a K-pop hnuhma

Mizoram pawh a nghawng chuan Korea phei chu nghawng nasa zual lo thei lo a ni. K-pop hi khawvelah a hlawhtling zel a, hei hian Korean naupang, pre-teen zingah hnuhma a hnutchhiah lian sawt hle.

Tunhnaia survey an neihah, South Korea-a pre-teen zinga zaa 21 zet chuan K-pop star nih an chak a, an puitlin huna an nih tum a ni.

K-pop star-te an hlawhtling nasa tial tial a, an sum lakluh nasa takin a pung a, hei hian an music ngaithlatuteah pawh nghawng a nei zel a, anmahni ngaihsanna a nasa tial tial a ni. South korea-a National Rax Service-in a tarlan danin zaithiamte sum lakluh hi kum 2010 aṭanga chhutin zaa 72 ngawtin tunah chuan a pung tawh a ni. An sum lakluh a punna chhan hi Korea ram pawna an hlawhtlin tial tial vang a ni.

Hetiang hi a nih avangin nu leh pate pawhin an fate zai lamah an tuipui nasa tial tial a, zai leh lâm zirnaa an fate kaltir an pung tial tial. Inzir chhoh nan hian sum tam tak sen a ngaih avangin mi tam tak chuan sum lama harsatna avangin agency lian tak takte an chhuahsan a, a ṭhen chuan an nghak ṭangṭang thung. G. Soul pawh hian kum 15 zet a nghah a, JYP Entertainment-a a inzir hnuah tunhnai khan a EP a tichhuak ve chauh a ni.