Olympic Opening Ceremony-ah Celine Dion leh Lady Gaga

2024 Paris Olympics opening ceremony-ah Celine Dion leh Lady Gaga chu an perform dun dawn tih sawichian a ni ta.

Tun hnaia Paris khawpuiah zaithiam pahnihte hi hmuh an nih avangin Olympics ceremony-ah an perform dawn nia sawi thawm a awm zui a, an perform dawn tih French journalist Thierry Moreau chuan a rawn sawichiang a, River Seine-a Olympic hawnna inkhawmah French classic 'La Vie en Rose' an rawn sa dawn a ni. Stiff person syndrome a nih avangin Celine Dion hi kum li zet chu live-in a perform tawh lo a, mahse stage lamah kir ngei a tum thu hi amah pawhin a lo sawi fo tawh a ni. Kumin April thlaa French Vogue cover-ah a lan ṭuma cover interview a neihah, physical fitness program hautak tak a neih mek thu pawh a sawi. Live perform a neih hnuhnung ber chu kum 2020-ah New York-ah a ni.