Animated film zinga sum la lut tam ber 'Inside Out 2'

Disney and Pixar film, 'Inside Out 2' chuan tlangzarh aṭanga kar ruk chhungin khawvel huapin USD tld 1.46 a la lut tawh a, animated film tih chhuah tawh zinga sum la lut tam ber a ni tawh.

Kum 2019-a tih chhuah, Frozen II khan USD tld 1.45 la lutin animated film hlawhtling ber record a lo siam tawh a, mahse 'Inside Out 2' hian a rawn khum ta a ni. Nikum chhunga film hlawhtling ber, USD tld 1.45 la lut thei, 'Barbie' pawh a khum tawh bawk. Japan ramah tih chhuah a la ni ve leh chauh dawn bawk a, hei vang hian a sum lak luh hi a la pun belh hle rin a ni.

Hetih lai hian 'Inside Out 2' hian 2019 Disney remake,'The Lion King', USD tld 1.65 la luttu a la khum lo. Mahse The Lion King hi comupter-generated ni mah se, studio lam hian live-acation remake-ah a dah avangin animated movie anga chhiar tel a ni ve lo thung.

'Inside Out 2' hi film chhuak tawha sum la lut tam 13-na a ni pha tawh. Mahse top list - Avatar (USD tld 2.9) leh Avengers : Endgame (USD tld 2.7) te erawh a la a pha lo hle a ni.