TikTok Book Awards : International Book of the Year-ah 'Fourth Wing'

Social media-in a ṭha lo zawnga nghawng tam tak a neih laiin, mi tam tak chuan lehkhabu ṭha chhiar phahna atan an hmang ṭangkai ve thung a ni.

Kumtina sem ṭhin, TikTok Book Awards chu an ram huna Ningani zan khan London-ah sem a ni a, international book of the year atan US author, Rebecca Yarros ziah, fantasy novel 'Fourth Wing' chu thlan a ni.

He lehkhabu hi TikTok ah a viral a, hei hian The New York Times bestseller list No 1 nih theihna kawngah pawh a pui hle. TikTok Book Awards winner te hi video-sharing app-ah hian #BookTok community in an thlang a ni.

British author, Lisa Jewell thriller "None of This is True' chu book of the year-ah thlan a ni bawk.