News Lawrkhawm
Valentine's Night
Entertainment Mizoram dinchhuaktu, Karizma Night aṭanga Peace Fest, Mizoram Super Model, Fashion Rocks red carpet event, Autumn Fest te pawh lo buatsaih a, zaithiamte leh Mizote talent lo promote tawh ṭhin Heritage Events chuan February 14 hian Heritage Lounge, Falkland-ah CK Hyundai Valentine Bonanza a buatsaih dawn. He huna entry nei chuan CK Hyundai membership an nei nghal dawn a ni.
Steve Jobs film kuminah tihchhuah an tum
Apple founder Steve Jobs-a chanchin film-a siam chu kumin hian tihchhuah hman ngei an tum a, an ruahman chu October 9 hian US-a tihchhuah a ni. Steve Jobs-a lemah hian Michael Fassbender a chang a, Seth Rogen chu Steve Wozniak lemah a chang.
Switchfoot frontman a mal tlat
Kristian band hlawhtling, Switchfoot-a an frontman chu tunlai hian a mal tlat rih a, a solo album a buaipui mek. Ni tin darkar tina ngaihthlak tur hla a dah tih a sawi.
Jon Foneman, Switchfoot frontman hian a album siamah hian hla 24 lai a dah a, heng hlate hi ni khata darkar tina ngaihthlak tura a dah a ni tih a sawi. A album hming tur hi Wonderlands a ni.
Solo project a buaipui avang hian Switchfoot hi an inṭhen darh tihna a ni lo a, kumin pawh hian tour an nei dawn. Tour an neih tur hi anmahni band mal tur a ni lo a, Billboard chart winner zinga mi, NEEDTOBREATHE nen a ni dawn a, an tour hming tur hi Tour De Compadres a ni. Band tenau dangin an zui bawk ang.