Super Bowl show an chhawr

Beisei leh rinlawk ang ngeiin Katy Perry leh Missy Elliot te chuan Super Bowl halftime show an chhawr a, an hla hralh nasa takin a pun phah.

Katy Perry bikah chuan, US-ah, a album leh a hlate a hmaa an hralh aiin zaa 92 zetin a pun phah a, Missy Elliot phei chuan a chhawr lehzual a, a hma aiin zaa 996 zetin an hralh hnem zawk!

Super Bowl halftime-ah khan Katy Perry leh Missy Elliot te hian hla pakua zet an sa a, Lenny Kravitz chu guest star-ah an hmang bawk. Katy hian ama hla paruk a sa a, Elliot hian ama hla pathum a sa.

Tunkar chhung khan Katy hian a album leh hla tihchhuah tawhho zawng zawng kha copy 121,000 zet a hralh leh a, heng zinga 21,000 chu album a ni a, nuai khat zet chu a hla a ni. Elliott hian a album leh hla copy 73,000 zet a hralh a, album mala a hralh hi copy 2,000 a ni a, hla mal chuan copu 71,000 zet a hralh.