E-cigarette a hlauhawm tho!

Meizial ngei nan tiin e-cigarette hi i leiin i zu a ni mai thei, meizial pangngai ang deuh thoin mihringah a hlauhawm tho tlat! Nghei dawn chuan nghei law law a ṭhat a rinawm zawk.

Bloomberg School of Public Health-a resear­cher John Hopkins chuan chaichim aṭanga an en­chhinnaah e-cigarette-ah hian meizial pangngaia tûr awm ang kha a insiam thei tho tih hmuhchhuah niin a sawi. Hopkins chuan e-cigarette zuk hian mihring natna do theihna nena ṭangkawpin chuapah chemical hlauh­awm tak a siam a, chu­tiang chemical chu mei­zial pangngai zuka awm ang tho a ni, a ti.

Mithiam dang, Thomas Sussan chuan e-cigarette khu, (vapour) hian chuapah nghawng a nei tlem zawk a, mahse he a vapour hi bacterial emaw viral infection-in a zui vaih chuan a hlauhawm em em tho a ni, a ti. Cell pawh a tichhe thei ve tho tih a sawi bawk.