India Finance Minister hnuhnung pathum

Khawvela economy lama ram ṭhang chak berte zinga mi, mihring tluklehdingawn khat chuang awmna India ram Finance Minister ni tur hian mi neu lo tak nih a ngai. Finance Minister kan neih mek leh a hnuhnung pahnihte kha thiamna lamah eng ang nge an nih, tlem tarlang teh ang.

Tuna Finance Minister ni mek, Arun Jaitley hi Delhi-a St. Xavier's School chhuak a ni a, Shri Ram College of Commerce, New Delhi aṭangin Bachelor of Commerce a zo. Faculty of Law, University of Delhi aṭangin kum 1977 khan dan lamah degree a la bawk. Zirna leh zirna behbawm (extra carricular)-ah a ti ṭha thei hle a, school leh college a kal laia ti ṭha berte zinga mi a ni ṭhin. Supreme Court leh High Court ṭhenkhatah te law a lo practise tawh ṭhin a, Senior Advocate leh Additional Solicitor General a ni tawh bawk.

Kum 1988 khan UN General Assembly Session-ah India aiawhin a palai tawh a, dan leh current affairs lehkhabu tam tak a tichhuak tawh bawk. Dan lam thilah hian Birla chhungkaw ai a ;lo dinsak tawh a, Coca Cola leh Pepsi te do zawngin a lo ding tawh bawk.

Palaniappan Chidambaram hi Congress hnuaia Finance Minister kha a ni a, thiamna lamah chuan B.Sc., B.L. leh M.B.A niin, Madras University, Chennai-ah leh Harvard University, Boston-ah te a zir ṭhin. School hi Madras Christian College Higher Secondary School-ah kal ṭhinin, pre university thung hi Loyola College-ah a zo. The Presidency College aṭangin B.Sc a zo a, LL.B thung hi Madras Law College-ah zirin, Masters in Business Administration hi Harvard-ah a zir a ni. Madras High Court-ah lawyer a ni ṭhin a, kum 1984 aṭang khan Senior Advocate a ni.

Manmohan Singh thung kha Punjab University aṭangin kum 1948 khan matric a exam a, kum 1957 khan Cambridge, UK aṭangin Economics chu first class-ah a zi a ni. Hemi hnu hian Nuffield College, Oxford University hnuai aṭangin, kum 1962 khan Economics-ah D.Phil a zo leh. Punjab University leh Delhi School of Economics-ah te a zirtir ṭhin.