DJ Lalvenhimi Ṭhazualah a vawi hnih nan pakhatna

'Khua tuah loh di' a la fuh zel a, he hla hmang hian DJ Lalvenhimi chu Dafodils Ṭhazual 10-ah pakhatna a hauh leh. Kumina pakhatna a hauh ṭum hnihna a ni.

Music video buatsaih leh mek a, tihchhuah thuai tuma hma a lak mek laiin, Dafodils Ṭhazual chart-ah hian DJ-i dinhmun a la ṭha zel a, kuminah chart-ah hian kan hmu kan hmu leh dawn a nih hmel. Lengzem huang chhungah na na na chuan tunlaia kan zaithiam neih ṭhat berte zinga mi a ni.

Idol alumni Essy chu pahnihna aṭangin pathumnaah a chhuk thla a, ani hian pakhatna pawh lo hauh tawhin tunah hian hnungtawlh lam a pan mek. Pahnihnaah Kolkata Mizo Student hla, Kan Ding (Zoram Tan) tih chu a rawn chho a, he hla hi a hmain palina a ni.

Christy & Hriatrenga te hla, Muanna Nge Hmangaihna chuan hma a rawn sawn zel a, pangana aṭangin palinaah a rawn kai chho. Thangromawia chu pathumna aṭangin panganaah a chhuk thla bawk.

Ropuii Pachuau chu top 10-ah kan hmu ta lo a, Biakmuana pawh a tawlh chhuak ta. J. Lalremruati'n bul a rawn ṭan ṭha a, 'Inhrilh dun ang' hla a rawn thlawh fuh a, bul ṭan nan paruknaah a rawn lang nghal thei. Champhai lam aṭanga Zoram rawn deng chhuak tawh ṭhin, Henry Lalmalsawma Renthlei video thar 'Dam takin mangṭha' tih chu 10-naah a rawn lang thar bawk.

Dafodils Ṭhazual Lengzem

1 DJ Lalvenhimi - Khua tuah loh di

2 Kolkata Mizo Student - Kan ding (Zoram tan)

3 Essy - In chhuang mai lo la

4 Christy & Hriatrenga - Muanna nge hmangaihna

5 Thangromawia - Phuloh lung di

6 J. Lalremruati - Inhrilh dun ang

7 Christy - Chhingkhual D

8 Samuela Chhante - Rinawmin

9 H. Vanlalngura - Ka rawn zawng zel

10 Henry Lalmalsawma Renthlei - Dam takin mangṭha