Animation film a hlawhtling leh tlat
North America-ah chuan movie hrang hrang zingah keinin cartoon tia kan sawi ṭhin hi a hlawhtling leh tlat. Kar tawp chhunga sum lalut hnem ber chu The SpongeBob Movie: Sponge Out of Water a ni a, American Sniper pawhin a tluk lo.
The SpongeBob Movie: Sponge Out of Water, animated movie hian kar tawp chhung khan $mtd56 zet a lalut. American Sniper chu box office aṭanga sum lalut hnem tehnaa pakhatna a zawna ṭum thum a hauh hnuah pahnihnaah a chhuk a, kar tawp chhung khan $mtd24.2 a lalut.
Box office (ticket hralhna hmun) aṭanga ticket hralh chhuah aṭanga sum lalut hnem top 5 zingah movie thar dang pahnih a lang tel bawk. Pakhat chu Jupiter Ascending a ni a, pathumnaah a awm a, he film hi sci-fi a ni a, Channing Tatum, Mila Kunis leh Eddie Redmayne te channa a ni. $mtd176 zet budget-a daha siam kha a ni a, kar tawp chhung khan $mtd19 a lalut. A dang leh pakhat chu Seventh Son a ni a, $mtd7 a lalut thung.
Box office top 10
"The SpongeBob Movie: Sponge Out of Water" - $mtd56
"American Sniper" - $mtd24.2
"Jupiter Ascending" - $mtd19
"Seventh Son" - $mtd7.1
"Paddington" - $mtd5.4
"Project Almanac" - $mtd5.3
"The Imitation Game" - $mtd4.9
"The Wedding Ringer" - $mtd4.8
"Black or White" - $mtd4.5
"The Boy Next Door" - $mtd4.1