Ram hausaah Android aiin iOS an hmang nasa zawk

Khawvel pumah Android hmang phone aiin, Apple iOS hmang phone an hralh tlem zawk hle a, mahse ram changkang leh hausaah chuan iOS hmangtu an pung chak zawk.

iPhone chawr chhuahna, US-ah ngei pawh hian kum 2012 aṭang khan Android hmang phone an hralh chhuak hnem tawh zawk a, mahse nikum aṭang khan Apple hian a rawn khûm leh ta. US bakah Europe leh China-ah Apple smartphone leh tablet te an hralh hnem zawk.

US-ah hian Apple-in Android a khûmna hi a nasa lo khawp mai a, mahse Apple siam chhuahna ramah chuan hetiang chanchin hi chanchin lawmawm tak a ni. Apple hralh a tam zawkna hi zaa 0.1 chauh a ni.

Europe-a ram lian pangaah pawh Android hian tlakhniam lam a pan. Android hmang hralh chhuah hi zaa 3.8-in a tlem a, iOS hmang hralh chhuah erawh zaa 6.2-in a sang zawk. Europe-ah chuan UK hi iOS hmang nasa ber ram an ni. Europe-a ram lian zinga Android hmang punna awm chhun chu Italy a ni a ni.

China mipuite hi an hausa niin alang. China-a smartphone vawi khat neihnaa an phone lei pali zela pakhat chu iOS hmang a ni. China rama khawpuiah chuan iOS hralh nasa takin a pung a ni.