Grammy entu an tam loh kum

Kumin Grammy sem chuan kum dang a pha tlat lo. Kum 2009 hnua Grammy sem tawhah chuan TV aṭanga entu nei tlem ber a ni.

CBS-in a tihchhuah, Grammy entu zat hi Thawhṭanni khan CBS chuan a puang chhuak a, TV aṭanga entu zawng zawng hi maktaduai 25.3 an ni. Kum danga Grammy tihchhuahte nena khaikhinin entu tam lo zawk mah se, kumina award sem TV-a tihchhuah zingah chuan entu ngah ber a ni thung. Golden Globe khan entu maktaduai 6 vel chauh a nei.

Kum 2014-a Grammy tihchhuah kha mi maktaduai 28 vel zetin an en a, kumin aiin entu maktaduai 3-in an tam zawk. Nikum kha a hlawhtling reng reng. The Beatles pualin hun hman tel a ni a, huhoa inneih buatsaih a ni bawk a, khangte khan entu a hip a ni. Kum 1993 hnua entu tam ber dawttu a ni nghe nghe.

Grammy-a an tweet nasat ber chu Beck-an award a dawn laia Kanye West rawn inrawlh ve kha a ni. Hemi chungchanga Kanye West-an Twitter-a a tweet chu mi comment maktaduai 13.4 zet a awm.