Missy Elliott a lawm

Super Bowl-ah Katy Perry nen an zai a, nasa takin an music hralh a kal nghal a, Missy Elliott-in Pathian hnenah lawmthu a sawi nasa.

Missy Elliott hi kum 1990 chho vela lar daih tawh, kum 2000 hnu lama lar ta vak lo a ni. Super Bowl halftime show zawh aṭangin a music nasa takin hralh a kal a, tam tak a hralh tawh a ni."Hetianga ka music-te an han hralh leh ta chur chur hi ka lawm a, ka ṭap lo thei lo ṭhin. Pathian khawngaihna avang liau liau a ni a, ka fan-te min duhsakna a ni," tiin a tweet. Tunkar khan a hla, Work It chu iTunes chart-ah palinaah a lang a, Get Ur Freak On chu paruknaah langin, Lose Control chu 12-naah a lang bawk.