Lady Gaga leh Celine Dion-te hlawh zat an inrinsiak

Lady Gaga leh Celine Dion-te chu July 26 zana Paris-a Summer Olympics, 2024 opening ceremony-ah ropui takin an perform a, an performance-in sawi zui a hlawh bakah social media user-ten an hlawh zat tur an inrinsiak nasa hle.

Celine Dion hi a natna avanga kum li zet live performance a neih tawh loh hnuah a rawn inlan a, Lady Gaga nen an duet dawn nia media lamin an report, a hran ve vein an rawn perform a ni. Dion hian USD mtd 2 a hlawh dawn niin an sawi a, Lady Gaga pawh sum ṭhahnem tak pek a ni dawn bawk ti tein social media lamah an sawi a ni. Mahse Olympics thupuangtu chuan hemi chungchang hi rawn sawifiahin, Paris 2024 Games ceremony-a peformer-te chu hlawh pek an ni lo a, Celine Dion leh Lady Gaga pawh a hrana sum pek an ni lo tih a sawi. mahse Olympics committee-in an in buatsaihna, costume, background dancer leh an perform-na atan an mamawh angte chu tumsak vek thung a ni.