Princess Leia Star Wars bikini USD 175,000-in hralh

'Return of the Jedi' film-a Princess Leia gold bikini chu lilamnaah USD 175,000 in an hralh.

Princess Leia lemah hian Carrie Fisher a chang a, kum 2016 khan a boral tawh a ni. Director George Lucas-a'n a hak tur gold bikini a entir khan mak a tiin a uang mai mai emaw a tih hial thu interview-naah pawh a lo sawi tawh a ni. Gold bikini an hralh hian bikini top, bikini plates, hip rings, armlet leh bracelet te a keng tel a ni. Star Wars costume hi film industry-a outfit lar ber berte an ni hlawm a ni. Star Wars film hmasa bera hman, miniature Starfighter aircraft pawh USD md 1.5 in hralh a ni bawk. Heritage Auctions-in an lilamnaah hian 'Harry Potter and the Prisoner of Azkaban'-a Daniel Radcliffe wand hman chu USD 52,000 leh, 'Home Alone'-a Macauley Culkin thawmhnaw hak chu USD 47,000 in hralh a ni bawk.