MTV VMA-ah J Balvin leh Roddy Ricch perform dawn lo

MTV 2020 Video Music Award (VMA) sem turah J Balvin leh Roddy Ricch chu zai tura tih ni mah se an perform theih dawn loh thu an sawi ve ve. 

Kar liam ta Inrinni khan Roddy Ricch chuan a insta­gram story lamah kumin MTV VMA-ah hian a perform theih dawn loh thu a sawi a, amah bakah a crew-te himna a ngaihpawimawh vang leh Covid-19 hri leng vangin a ṭhluh tih a sawi.

Ani bakah hian J Balvin chuan Covid-19 hri leng vang thoin MTV VMA-a a perform thei dawn loh thu sawi ve bawkin, mi dangte pawh an hri­­selna ngaihtuah a, kawng engkima fimkhur turin a chah. Ruahman lawk dan chuan August 30 hian MTV 2020 Video Music Award (VMA) semna ceremony hi  New York, Brooklyn-a Barclays Center neih tum a ni a, he hunah hian mi lar ṭhenkhatte pawh zai tura tih an ni. Zai tura tih zingah J Balvin leh Roddy Ricch tih loh hi chuan an ṭhulh thu an la puang lo thung.