The Powerpuff Girls Live-Action film an siam dawn?

Khawtlang media ṭhen­khat chuan Cartoon Net­work-a series lar ṭhin 'The Powerpuff Girls' kha an 'reboot' dawn tih tarlangin live-action film an siam dawn tih an tarlang.

Arrowverse archi­tect Greg Berlanti kaihhruaihna hnuaiah The CW chuan Powerpuff Girls live-action film tur hi an buaipui tih thawm a awm a, Townsville hero hmeichhe naupang pathum chungchang hian ngaihven a hlawh viau a ni.

Entertainment news lama thu lakna ber atana media tam takin an hman Variety leh Deadline-te chuan hemi chungchang hi an tarlang a, an sawi dan pawh a inang hle. An tarlan dan chuan Berlanti hian writer- 1Diablo Cody leh Heather Regnier-te a thawhpui dawn a, Berlanti Productions lam mi Sarah Schechter leh David Madden-te a thawhpui dawn bawk.

WarnerMedia hnuaia awm Cartoon Network sister company Warner Bros. Television chu a hlawhtlin theihna tura hmalatu tur a nih hmel bawk a ni. Tuna nula leh tlangval tam tak bakah nu leh pa ni tawh eng emaw zat pawhin an hmelhriat em em The Powerpuff Girls hi kum 1998 aṭanga 2005 inkar khan US-ah chuan Cartoon Network-ah pek chhuah a ni a, season ruk siamin episode 78 a awm. US-a chhuah a nih lai khan Emmy award pawh pahnih lai a dawng hman a, kum 2016 khan cartoon thoin reboot an lo siam tawh a ni.