Canada gamer lalut hnem Kurtis 'Aui 2000' Ling
Tournament hrang hrangah lawmman a ṭha zel a, hei hian player-te sum lakluh pawh a tisang zel. Tournament-a tel hnem a pawimawh a, tih tak vêkah chuan engkima theihtawp chhuah hian hlawhtlinna a siam zel.
Tunhnaia Evil Geniuses leh Dota 2 Asia Championships-a a chet ṭhat a, a champion avangin Kurtis 'Aui 2000' Ling chu Canada ram bikah chuan mi ropui a tih ngam ang. Canada-a gamer zinga hlawhhnem, sum lalut hnem ber a ni tawh.
Evil Geniuses-ah ringawt hian $mtd1 zet a hlawh a, hengte avang hian Aui 2000 hi Canada-a gamer sum lalut hnem ber a ni tawh a, Call of Duty superstar Damon 'Karma' Barlow te, StarCraft 2-a hming chher, Sasha 'Scarlett' Hostyn te, League of Legends-a fan-ten an duh em em Jason 'WildTurtle' Tran te chungah a awmtir tawh a ni.
Cloud9 member ṭhin, Ling hi Cloud9-a a awm lai hian a lakluh hnem berah $498,534.50 a ni a, a mal tlat chiah chinah nasa takin hma a sawn a ni. Shanghai-ah Evil Geniuses tournament-ah hlawhtlinna a chang a, hei hi Cloud9 a chhuahsan hnua a hlawhtlinna hmasa ber a ni.
Mizote pawhin game kan khel nasa a, kan game khelh hian awmzia nei ta se, gamer-te tan a hlawkin, Mizo hming chherna tur ṭangkai tak a ni ang. Ramdangte nena tournament neih theih lohna tur chi game kan uar viau a, chutiang ni loin khawvelin a uar game hi uar ve ila, kan hlawkpui theih tur a ni.
Internet speed lama tlema kan la pachhia leh power supply duhthusam kan nei lo hi kan harsatna pakhat a ni. Mahse hetiang karah pawh hian a tum tan chuan kawng a awm.