Oscar-ah zai tur an awm nual

Zaithiam tel lohna function leh event hi chu a hul tlat tawh. Movie lama award ngaihsan ber, Oscar awards sem hunah pawh zaithiam zai tur an buaipui a, an tifel ṭan mek.

87th Academy Awards hi February 22 khian sem a ni dawn a, heta zai tur an tihfel hnuhnun ber chu Jennifer Hudson a ni. A hmain Tim McGraw, Jack Black, Tegan leh Sara, leh Anna Kendrick te zai turin an lo tifel tawh bawk.

Award semtu tur pawh tihfel chhoh mek a ni a, a semtu tur zingah hian John Travolta leh Jennifer Aniston-te chu tihfel hmasak pawl an ni. Sienna Miller, Chris Pratt, Kerry Washington leh David Oyelowo te presenter zingah hian an tel.