Valentine's Day pual Thisen pek runpui

Kum danga lo tih tawh ṭhin angin Association for Vlountary Blood Donation (AVBD) chuan kumin Valentine's Day pual hian thisen pek runpui, Blood for Your Valentine an buatsaih leh dawn a, Mizo ṭhalaite a tam thei ang berin thisen pe se, tiin ṭhalaite min ngen.

Thisen pek runpui hi Govt. Mizo High School Hall-ah buatsaih a ni dawn a, kawppuite nen emaw, ṭhiante nen emaw, mahni chauh pawha kala thisen pe turin ṭhalaite an sawm a ni. Blood for Your Valentine hi Aizawlah chauh ni lo, district khawpui dangahte pawh buatsaih a ni ang.

Chawhma dar 10 aṭanga thisen pek ṭan tur a ni dawn a, nilengin hun hman a ni ang. Thisen pekna hmunah hian zaithiam ṭhahnem tak an zai bawk ang. Host an awm dawn a, kumin hian Marilyn, TBC Zaithanpuia, Lalduhsaki leh Miss Mizoram 2014-a Top 5 zinga mi Ofeli te an ni ang a, anni hian thisen petute hnenah Valentines Day Rose an pe zel dawn a ni.