Taylor Swift-in a la hralh hnem zel

Hapta 10 zet pakhatna a luah tawh hnuah pawh Taylor Swift album thar 1989 chuan Billboard album chart-ah pakhatna a la hauh thei. Tunkar chhung khan copy 108,000 zet a hralh leh a, heti hian hapta 11 chhung pakhatna a hauh tawh.

Nikum October-a tihchhuah 1989 album hi a tihchhuah aṭangin pahnihna aia hniamah a la awm lo hrim hrim. Kum 2000 hnua Billboard album chart-a pakhatna ṭum 10 chuang hauh thei album pali zingah a awm tawh a ni. Swift album tho Fearless kha, kum 2008 leh 2009 chhung khan Billboard album chart-ah hapta 11 chhung pakhatna a hauh a, hemi hnu hian Adele album hit, 21 khan kum 2011-12 chhung khan hapta 24 zet pakhatna a hauh. Nikuma chhuak Frozen OST kha pakhatnaah hapta 13 a awm bawk.

Tunlaia hla lar hrang hrang lakkhawm, Now 53 chu pahnihnaah a awm a, he album hi tunkar chhung khan copy 99,000 lai hralh a ni. Album ngau ngaua hralh ngawta chhiar chu Swift album nen hian a inzat thuak ang. Swift album hralh zatah hian equivalent album chhiar tel vek a ni a, Now 53 hi chu album pangngai bakin an hralh lo.

"1989" - Taylor Swift (108,000)

The "Now 53" Compilation - Various Artists (99,000)

"X" - Ed Sheeran (97,000)

"In the Lonely Hour" - Sam Smith (around 86,000)

"Reflection" - Fifth Harmony (80,000)

"Title" - Meghan Trainor (59,000)

"Shadows in the Night" - Bob Dylan (50,000)

"The Pinkprint" - Nicki Minaj (48,000)

"V" - Maroon 5 (47,000)

"Wallflower" - Diana Krall (44,000)