Sam Smith Burger hmangin award a lawm

Grammy Awards-ah hlawh­tlinna a chang a, Sam Smith a lawm a, a lawm nan a chhungte nen fast food restaurant-ah chawlin burger an ei! Hei aia ropui pawh hian a lawm thei reng a, sum a nei lo a ni lo. Ruai ropui hi hlimna a ni chuang lo e.

Sam Smith hian Grammy-ah khan Best New Artist, Record of the Year, Song of the Year leh Best Pop Vocal Album-te a la a ni. Hemi lawm nan hian Capitol records chuan Los Angeles-ah milar rual punkhawmna party a buatsaihsak a, hemi hnu hian Sam Smith hian fast food-ah a nu leh pa leh a farnute burger hi a treat.

"Celeb-tena party an buatsaih emaw, an punkhawmna party-a kal kha ka thlahlel lo a, ka label awmna hmunah ka kal a, chumi hnuah ka nu leh pa leh ka farnute awmna panin ka thlawk lehnghal a ni. Anniho nen hian burger kan ei a, chu chu kan lawm dan ber a ni," a ti.

"Khatiang khan hlawhtlinna ka chang ang tih ka beisei lo a, ka ring lo reng reng...shower-ah ka inbual a, a mak ka ti leh ka lawm lutuk hi ka mittui a tla zawih zawih thei a ni," tiin Sam Smith hian award a dawn chungchang kha a sawi.