Stairway to Heaven kalkawng

Led Zeppelin hla Stairway to Heaven chu mi hla an lak chhawn a nih leh nih loh thu an ngaihtuah ṭan ta. Spirit band chuan an hla 'Taurus' aṭanga Led Zeppelin ten an lak chhawn a ni an ti a, court-ah hian an thlen a ni.

Court-a an thu ngaihtuahah, Spirit band te chuan Birmingham-a 'Mo≠ther's Club'-a an zai laiin Led Zeppelin te hi an rawn kal a, chuta an hla sak chu an hriatin an hla, Stairway to Heaven siam nan an hmang a ni an ti. Hemi thu hi Led Zeppelin voca≠list, Robert Plant an zawt a, ani chuan thil a hriat mumal tawh loh thu a sawi.

Robert Plant chuan 1960 chho tawp lam leh 70s tir lam thleng khan he club-ah hian a kal ve ṭhin tih a sawi a, chutah chuan tualchhung musician te an zai
ṭhin tih a sawi bawk. Vawi 50 aṭanga 60 chuang mah emaw lai a kal tawh a, chung a kal ṭuma mi hla play zawng zawng a hriatsak vek lo tih sawiin, Spirit te pawh an lo zai a ni mai thei a, mahse tute nge zaia, eng hla nge an sak tih a ˚ks‚k lem loh avangin a hre tawh lo niin a sawi a ni.

Spirit ten an zai laiin anmahni an hmu a, an hmuh avanga an hla ruksak anga an puh ringawt chu a sual thlak deuh nia a ngaih thu a sawi bawk. Hetihlai hian Spirit-a an bassist Mark Andes chuan Plant nen hian an inhmu a, snooker pawh an khel dun niin a sawi a, mahse Plant chuan chutiang a hriat tawh loh thu sawiin, mi tam tak snooker a khelhpui tawh a, anmahni a hriatreng tawh loh thu sawiin, kum tam tak liam ta a ni bawk nen, engkim kha hriatreng theih a ni tawh lo a ti.

'Stairway to Heaven' hla hi rock hla zinga chanchin ngah leh tun thlenga hralh la tla em emte zinga mi a ni. Led Zeppelin sum enkawltuin a tarlan danin, kum 2011 chinah ngawt pawh khan he hla avang hian an guitarist Page chuan chhiah an chawi hmaa royalty-ah USD 615,000 ngawt a dawng tawh a, Plant hian USD 532,000 a dawng tawh bawk.