Concert-naa Rihanna-i ṭapin Irish mite a timangang

Rihanna chuan tour a neih mekah, Ireland-a Dublin khawpuiah Thawhlehni zan khan a concert a, minute 30 zeta a tlai mai bakah, 'Love the way you lie' hla a sak laiin a ṭap bawk a, Irish fan-te an mangang hman hle. A tlai chhan leh a ṭah chhan hi engmah a sawi zui lo. Amaherawhchu Irish fan-te chungah a lawm hle a, "Concert-a rawn kal khawmte ring taka mi pakhat aw ang maia ruala an au hi Dublin-ah bak hmun dangah ka la hre ngai lo....in chungah ka lawm tak meuh meuh e," a ti.

Tunlaia a nunah hetianga ṭahna tur khawp boruak a tawngin a lang si lo a, ngaihven zui a hlawh ang reng phian. A mimal nuna thil thlengah, a pa tan in
ṭha tak mai Barbados-ah a leisak a, Drake nen an inngaizawng niin an sawi bawk. Calvin Harris nena an hla tihchhuah thar 'This is what you came for' chu UK chart-ah panganaah a lang a, hei bakah hian perfume thar 'Crush' a tichhuak bawk. A chanchin chhe lamah chuan Nigeria-a concert promoter pakhat chuan Rihanna te nen hian inbiain, concert nei turin an rel vek tawh a, mahse an ṭhulhsan leh avangin sum tam tak a chawi phah a, a sumte hi hmuh let leh tumin court-ah thubuai a thlen mek.