Jaden Smith-an Pheikhawk bun tlak a nei tlem

Mi hausa leh khawvel pa lar fapa a ni a, a leina tur an ngah âwm tehlul nen, Jaden Smith hian pheikhawk a nei tlem.

A pa pawh Will Smith a ni a, sum tam tak a thawk chhuak a, amah Jaden Smith ngei pawhin film hlawhtling takin a chang a, pawisa chu a nei ve tho, mahse thuamhnawmana sum sên ṭeuh ṭeuh erawh a duh lo.

Will Smith chuan a fapa, kum 16 mi, Jaden Smith hian ṭul loa pawisa sên ṭeuh ṭeuh ngai a ti loin a duh lo tih a sawi a, a wardrobe-ah pawh thawmhnaw tlem tê, a hak duh ngei tur chauh a nei niin a sawi. Thawmhnaw hrim hrim a ngaina lo ni loin tangka sum bawia awm a duh lo a ni a ti.

Esquire chanchinbuin an kawm­naah, Will Smith chuan, "Sum bawia awm a duh lo a, a ṭha ka tihpui hle a ni. Tunlai ṭhangtharte hian thil neih ṭeuh ṭeuh hi an duh lo leh tawh zawk niin ka hria," a ti.

Will Smith chuan, "Middle-class chhungkua aṭanga seilian ka ni a, a chang chuan bill kan pek theih loh avangin kan current leh gas-te min cut-sak fo a ni. Khawnvartui hmanga tihlumna hmanna (kerosene heater) hmuna seilian ka ni a, thlasikah chuan bill kan pek theih loh chuan khawnvartui kan hmang mai ṭhin a ni," a ti. An chhungkua an hausa ngai lo tih a sawi a ni.