VDay pual charity

Khawvel puma inngaizawngte ni an hman ṭhin, Valentine's Day pawh Mizoramah kan hmang uar sawt ta hle a, kan hman dan erawh hmun tam tak ai chuan a danglam deuh. Mite ṭanpuina tur lam hawia kan hmang ṭhin hi a lawmawm hle. Event Affairs Mizoram (EA Management) chuan vawiin, Valentine's Day pual hian Millenium Centre tualah charity show an buatsaih dawn.

EA management hian kum danga an lo tih fo tawh ṭhin angin H.I.V positive hmeichhe in enkawlna tur nei lote ṭanpui nan vawiin, inrinni chhun hian Valentine’s charity show, Millenium Centre kawtah an buatsaih leh dawn a, he hunah hian zaithiam ṭhahnem tak leh Dancers thiam tak tak te, Cosplayer eng emaw zat an inlan leh dawn a, EA management teenage mobel catwalk show hmuhnawm dangdai tak a awm bawk ang.

EA management chuan he Valentine’s Day hi Mizo ṭhalaiten midangte ṭanpuina ni atana hun kan hman ṭheuh theih nan ṭhalaite a sawm a ni. Hei bakah hian zan lamah hmangaih berte nena hun hlimawm tak hmang duhte pualin Valley View, Phunchawng lamah Valentine’s Ladies Nite hlimawm tak an buatsaih dawn bawk a, hmeichhe tan luh man siam a ni lo.