Aryan Khan-a'n a nu sei lenna building Rs vbc 37 in a lei

Bollywood superstar, Shah Rukh Khan-a fapa, Aryan Khan chuan Delhi-a Panchsteel Park-a building-a floor pahnih chu Rs vbc 37 in a lei. He building hi a nu, Gauri Khan in pasal a neih hmaa a lo chenna ṭhin a ni. He building basement leh ground floor chu an chhungkaw hming hian an lo lei tawh bawk.

Aryan Khan farnu, Suhana Khan chu a pa hnung zuiin lemchan lamah a kal a, Aryan Khan erawh chu directing lamah a kal thung. Webseries a direct hmasak ber tur, 'Stardom' chu shooting an nei a, an zo hnai tawh nia sawi a ni. 'Stardom' ah hian Laskhya leh Mona Singh an chang a; Shah Rukh Khan, Ranbir Kapoor, Ranveer Singh, Bobby Deol leh Karan Johar te pawh inlan dawn nia sawi a ni.