Plastic surgery tia puhna Selena Gomez-i'n a chhang

Singer/actress Selena Gomez chuan tun hnaiah kum 2023 TikTok video pakhata a thlalak upload vanga plastic surgery tia ngaihna awm chu chhangin, plastic surgery a ti lo a, botox erawh a tih thu a sawi.

TikTok-a video upload tu, Marissa Brrionueivo hi Florida plastic surgeon office-a thawk a ni a, video-ah hian Selena Gomez thlalak pahnih dahin, kum eng emaw zat kaltaa a lak leh 2023 Golden Globes-a a thlalak a dah. A video-ah hian plastic surgery tia puhna lam a sawi lang lo a, a hmaiah cosmetic work a ti em tih lo buaipui chu a ṭul ber nia a hriat loh thu a sawi. Mahse he video lo entute lam hian Gomez hi plastic surgery a ti ngei nia ngaihna an neih phah a, hetiang zawnga ngaihdan a lo awm phah vangin Marissa hian Gomez hnena thupha chawina pawh a post zui a ni.