Naupangte tan Beckham

UNICEF-in palai atana an hman mek Beckham chuan naupang dinhmun derthawnga ding mekte tan hna a thawh belh mek a, naupang tam tak ṭanpui nan '7' a launch.

'7' hi Manchester United-a a khelha a lucky number a ni a, hei hi Beckham hian hmang zuiin, UNICEF tan sum a tuak ṭan a, a sumtuakna hming hi '7' a ni. He a sum tuak aṭanga a sum hmuh zawng zawng hi naupang dinhmun derthawnga awmte ṭanpuina tur a ni.

UNICEF-in a tarlan dan chuan kum kalta chhung khan khawvel hmun hrang hranga thahrum thawhna leh indona avangin naupang maktaduai 15 zette chuan an tuar a, khuarel chhiatna avangin an aia tam fein harsatna an tawk bawk.